Дэлегат Усебеларускага народнага сходу сустрэлася з калектывам Цэнтра сацабслугоўвання насельніцтва
Дэлегат УНС, намеснік старшыні райсавета дэпутатаў Алеся Стэльмак сустрэлася з працоўным калектывам раённага Цэнтра сацыяльнага абслугоўвання насельніцтва.
Нагадаўшы дату правядзення другога пасяджэння сёмага Усебеларускага народнага сходу (пройдзе ў Мінску 18-19 снежня), Алеся Сяргееўна засяродзіла ўвагу на кампетэнцыях вышэйшага прадстаўнічага органа народаўладдзя ў Беларусі — вызначэнне стратэгічнага накірунку развіцця краіны, замацаванне канстытуцыйнага строю і грамадзянскай згоды. Усебеларускі народны сход, як яна адзначыла, удзельнічае ў зацвярджэнні асноўных накірункаў знешняй і ўнутранай палітыкі, ваеннай дактрыны, канцэпцыі нацыянальнай бяспекі, а таксама мае права прапаноўваць змены ў Канстытуцыю і разглядаць іншыя важныя пытанні.
Алеся Стэльмак распавяла аб тым, хто можа стаць дэлегатам Усебеларускага народнага сходу, пазнаёміла са складам дэлегацыі ад нашага раёна, нагадала, якія рашэнні былі прыняты на мінулым УНС і якія асноўныя пытанні будуць разгледжаны ў снежні, падзялілася ўражаннямі ад удзелу ва Усебеларускім народным сходзе. Пацікавілася наяўнасцю пытанняў у калектыва да яе як дэлегата УНС, падзякавала работнікам за добрасумленную працу на карысць Бабруйшчыны, за актыўную грамадзянскую пазіцыю, заклікала праяўляць ініцыятыву ў пытаннях і справах, накіраваных на паляпшэнне дабрабыту краіны і суайчыннікаў.
Тэкст і фота Алены КАРПЕНКА.
