Сёння, 17 лістапада, у аграгарадку Цялуша на месцы, дзе 13 ліпеня 1941 года нямецка-фашысцкія захопнікі расстралялі чацвёра мясцовых актывістаў: старшыню калгаса імя Варашылава Мікалая Сцяпанавіча Гацко, члена праўлення калгаса Хрысціну Пятроўну Шкрадзюк, кладаўшчыка гаспадаркі Мікалая Васільевіча Балыка і настаўніка мясцовай школы Васіля Іванавіча Астрэйка, вучні Цялушскага ВПК “Дз/с-СШ” разам з прадстаўнікамі грамадскіх арганізацый і дэпутацкага корпуса раёна, а таксама дэпутат Палаты прадстаўнікоў Нацыянальнага сходу Рэспублікі Беларусь Уладзімір Гацко (які, дарэчы, з’яўляецца унукам расстралянага старшыні калгаса), пасадзілі алею памяці.  

Цяпер месца, дзе расстралялі мясцовых актывістаў і дзе знаходзіцца магіла ўраджэнца Гродзеншчыны Васіля Астрэйкі, а пазней намаганнямі Уладзіміра Гацко ў памяць пра трагічную для вяскоўцаў падзею з’явіўся памятны знак, будуць упрыгожваць чырвоныя рабіны і кучаравыя бярозкі, прадастаўленыя Бабруйскім лясгасам.

Даглядаць дрэўцы, як раней магілу і памятны знак ды іншыя памятныя месцы на тэрыторыі населенага пункта, узяліся школьнікі.  

Алена КАРПЕНКА. Фота ЮРЫЯ ЮРКЕВІЧА.