Раённыя педагогі сабраліся на жнівеньскую канферэнцыю

Сёння педагогі раёна сабраліся на традыцыйную жнівеньскую канферэнцыю. Яе тэмай сёлета стала “Развіццё раённай сістэмы адукацыі: ад дзяржаўнай стратэгіі да педагагічных практык”.

Удзел у мерапрыемстве прынялі ветэраны педагагічнай працы, у якасці ганаровых гасцей прысутнічалі адказныя работнікі райвыканкама на чале са старшынёй Аляксандрам Сухадольскім.

Якіх вынікаў дасягнула раённая адукацыя ў папярэднім навучальным годзе, і якія асноўныя задачы пастаўлены перад настаўніцтвам у 2020-2021-ым — распавяла начальнік аддзела па адукацыі, спорту і турызму райвыканкама Алеся Стэльмак. Алеся Сяргееўна, а таксама Аляксандр Сухадольскі і намеснік старшыні райвыканкама Таццяна Варанко ўручылі ўзнагароды калектывам і педагогам, чыя прафесійная дзейнасць дасягнула найлепшых вынікаў у розных накірунках, чый унёсак у падрыхтоўку ўстаноў адукацыі да школы аказаўся найбольш відавочным. Узнагароды настаўнікі атрымалі і ад прафсаюзных арганізацый і грамадскіх аб’яднанняў.

Не абыйшлі ўвагай на ўрачыстасці маладых педагогаў, для каго дзень 1 верасня стане адлікам прафесійнай дзейнасці — іх у раённыя школы прыбыло 18 чалавек (для параўнання, у мінулым годзе 8).

З улікам таго што жнівеньская канферэнцыя — гэта найперш свята, для яе ўдзельнікаў была наладжана цудоўная канцэртная праграма.

Падрабязнасці ў нашым фотарэпартажы.

Алена КАРПЕНКА. Фота Юрыя ЮРКЕВІЧА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.