Уладзімір Гацко сустрэўся з выбаршчыкамі

Дэпутат Палаты прадстанікоў Нацыянальнага сходу Рэспублікі Беларусь Уладзімір Уладзіміравіч Гацко праводзіць традыцыйныя сустрэчы з выбаршчыкамі.

На днях такія сустрэчы прайшлі ў Гарбацэвіцкім і Кавалёўскім сельскіх дамах культуры. Удзел у іх прынялі калектывы мясцовых сельгаспрадпрыемстваў: ААТ “Агракамбінат Бабруйскі” і ААТ “Неўскі-Агра”, работнікі сельскіх медустаноў і культуры. Пытанні да дэпутата, у мінулым — кіраўніка аховы здароўя Бабруйшчыны, датычыліся ў тым ліку і хвалюючай усіх сітуацыі, якая складваецца ў рэгіёне і краіне ў цэлым адносна каронавіруснай інфекцыі. У прыватнасці, хто і ў якія тэрміны можа разлічваць на тэсты па выяўленні хваробы, ці ёсць магчымасць зрабіць платны аналіз на COVID-19, які парадак аплаты бальнічных лістоў работнікам, што вымушаны былі знаходзіцца на самаізаляванні і г. д.

У чацвер падчас сустрэчы Уладзіміра Гацко з супрацоўнікамі Бабруйскай гарадской паліклінікі №2 апошнія пацікавіліся новаўвядзеннямі ў Закон Рэспублікі Беларусь “Аб ахове здароўя” — сёлета парламентарыямі абмяркоўваецца новая рэдакцыя гэтага нарматыўна-прававога акта, а таксама тым, ці будзе перагледжвацца Закон Рэспублікі Беларусь “Аб ветэранах”.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.