Прафілактычная акцыя “Выконваем законы дарог” прайшла ў Хімоўскім ВПК “Дзіцячы сад-СШ”

Наладзілі яе для вучняў малодшых класаў супрацоўнікі Бабруйскага РАУС сумесна з работнікамі аддзела па адукацыі, спорту і турызму райвыканкама.

Мерапрыемства стала для дзяцей не толькі пазнаваўчым — падзяліўшыся на дзве каманды, яны з запалам адказвалі на пытанні старшага дзяржінспектара ДАІ Ігара Чарнова і метадыста вучэбна-метадычнага кабінета раёна Вікторыі Шунько пра меры перасцярогі на дарозе — але цікавым і захапляльным, бо праходзіла ў даступнай для дзяцей гульнёвай форме.

У канцы, як тое часта бывае, перамагла дружба — пра гэта абвясціла, падлічыўшы балы, метадыст Фізкультурна-спартыўнага клуба раёна Вольга Караткевіч. А падарункамі для хлопчыкаў і дзяўчынак сталі граматы, цукеркі і флікеры. Што апошнія абавязковыя на дарозе — школьнікі Хімоўскай установы адукацыі цяпер дакладна ведаюць.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.