Темы

У Осава прайшоў пашыраны сход

У Осава прайшоў пашыраны сход

Пашыраны сход з удзелам грамадскасці Гарбацэвіцкага сельсавета, на якім прысутнічаў старшыня райвыканкама Павел Найдзён, прайшоў у мясцовым сельскім клубе ў мінулую пятніцу. І хоць шматлюдным мерапрыемства не назавеш, пытанні падчас яго былі падняты вострыя.

Апошнія датычыліся нездавальняючага стану пад’язных шляхоў да населенага пункта, асфальтавага пакрыцця ў самой вёсцы. Пры адказе на пытанні прадстаўнікамі ўлады было адзначана, што намаганнямі раёна рамонт пад’язных дарог на бліжэйшую перспектыву не запланаваны. Змяніць сітуацыю магла б дзяржаўная праграма па асфальтаванні пад’ездаў да колішніх цэнтральных сядзіб (у тым ліку Осава), але яна пакуль не прынята.

Хваляванне выказалі вяскоўцы і адносна адсутнасці асвятлення вуліц у цёмны час сутак. Як патлумачыла старшыня Гарбацэвіцкага сельсавета Галіна Прыгара, святло ў Осава і іншых вёсках, у адпаведнасці з рашэннем сельвыканкама, з’явіцца да 1 кастрычніка.

Яшчэ адна хвалюючая местачкоўцаў праблема — жыллёвая. Па словах старасты в. Осава Віктара Саўко, побач з населеным пунктам размяшчаецца жывёлаводчы комплекс, таму маецца патрэба ў дадатковым жыллі. Дэфіцыт апошняга, як ён адзначыў, можна б было вырашыць за кошт рамонту пустуючых шматкватэрных дамоў. Кіраўніцтва раёна ідэю падтрымала — пытанне рамонту аднаго з іх адпаведным службам даручана вывучыць. УКП «Жылкамгас» рэкамендавана вырашыць праблему зацякання накрыцця дома па завулку 1-му Цэнтральнаму (жыллё значыцца на балансе прадпрыемства).

Падчас сходу былі абмеркаваны таксама і іншыя хвалюючыя вяскоўцаў пытанні. Асобныя з іх зацікаўленымі службамі ўзяты на кантроль.

Алена КАРПЕНКА. Фота аўтара.

Последние новости

ГАИ информирует

На контроле ГАИ — перевозка пассажиров и грузов

17 ноября 2026
Читать новость
Общество

PRODEXPO-2026 стартует сегодня: четыре дня вкуса, открытий и новых возможностей

17 ноября 2026
Читать новость
Человек и природа

Погода 17 ноября: зябко, но без морозов

17 ноября 2026
Читать новость
В будущее вместе с нами

Не просто лайки: юные блогеры Телушской СШ учились создавать по-настоящему интересный контент

16 ноября 2026
Читать новость
Общество

Последний день уплаты единого имущественного платежа. Как оплатить быстро и без очередей?

16 ноября 2026
Читать новость
Общество

Полезная встреча

16 ноября 2026
Читать новость

Одноклассники

Районная газета «Трыбуна працы» основана 1 января 1982 года. Учредитель — Бобруйский районный исполнительный комитет. Подписной индекс издания 64092.

Адрес редакции: г. Бобруйск, ул. Советская, 77-а, каб. 7 (здание районного Центра культуры).
Правила написания комментариев на сайте.
Е-mail редакции: pressa@tribunapracy.by.

Рекомендуем