Падарункі — школам
Як заўжды, на школьную лінейку ў першы дзень навучальнага года сабралася шмат тых, хто прыйшоў не толькі пажадаць калектывам поспехаў, але і паклапаціўся пра падарункі, дзякуючы якім працэс навучання стане больш якасным і захапляльным.
Да прыкладу, двум установам адукацыі — Цялушскаму і Туркоўскаму вучэбна-педагагічным комплексам дз/сад-СШ Бабруйскі райвыканкам уручыў сертыфікаты на атрыманне новенькіх аўтобусаў для падвозу дзяцей, аддзел па адукацыі, спорту і турызму ўсім школам — сертыфікаты на атрыманне камплектаў лыжнага інвентару. Спартыўныя прыналежнасці ўручылі дзецям прадстаўнікі РАУС. Дзякуючы мясцоваму сельвыканкаму, у Бортнікаўскім ВПК з’явілася заўсёды патрэбная для гаспадарчых спраў фарба. ТАА “БіМФорэст» набыло для Брожскай СШ тэлевізар, манітор, сістэмны блок, музычны цэнтр з мікрафонамі, каляровы прынтар, праграмнае забеспячэнне і спартыўны інвентар, ЗАТ “Птушкафабрыка “Вішнёўка”— ноўтбук, мясцовы сельвыканкам — посуд. Філіял “Агракамбінат КХП” ААТ “Бабруйскі камбінат хлебапрадуктаў” аказаў Гарбацэвіцкай СШ спонсарскую дапамогу на набыццё жалюзі ў кабінет гісторыі. Варатынскі, Хімоўскі і Глушанскі сельвыканкамы для мясцовых устаноў адукацыі — заўсёды патрэбную паперу. ЦБУ “Белаграпрамбанк” паклапаціўся пра набор інструментаў для Глушанскага ВПК. ДРБУ-171 падаравала калектыву Каменскай СШ офісную паперу. Ленінскі ВПК дз/сад-СШ атрымаў у падарунак ад фермерскай гаспадаркі “Міраціна” тэлевізар, ад ПГУП “Сычкавагандаль” — мячы, ад мясцовага сельвыканкама — школьныя прыналежнасці. Осаўскі ВПК, дзякуючы спонсарам, папоўніўся офіснай паперай (сельвыканкам), тэніснымі ракеткамі (“Агракамбінат КХП”), дзіцячай гульнёй (фермерская гаспадарка “Гайшун”).
У Міхалёўскім ВПК у гэты дзень з’явілася ваза ручной работы ад райвыканкама, пасцельная бялізна ад ААТ “Міхалёўская Ніва”, посуд ад ДЛГУ “Бабруйскі лясгас”, святлоадбітны жылет ад сельвыканкама. У Цялушскім ВПК — мэбля і пыласос ад філіяла “Харчавік-Агра” ААТ “Чырвоны харчавік”, канцылярскія прыналежнасці ад Цэнтра сацыяльнага абслугоўвання насельніцтва. Немалая спонсарская дапамога аказана Туголіцкай СШ. Бабруйскі райвыканкам дапамог з набыццём школьнай мэблі. Дзякуючы апякунскаму савету, ва ўстанове з’явіліся новыя шафы, дзякуючы дырэктарам прадпрыемстваў і арганізацый Г.Г. Мелканяну, А.А. Папкову,
А.С. Бародзічу, Д.А. Дражнюку, В.А. Берасценю, Д.У. Кашуры, А.У. Шэлегу, В.А. Харлапу, а таксама ВУП “ЧыбісГруп” — жалюзі. Бабруйскі гандлёвы цэнтр падарыў школе мікрахвалевую печ. У Туркоўскай школе, дзякуючы ўвазе ААТ “Неўскі-Агра”, цяпер маецца новенькі ноўтбук, сельвыканкам прадаставіў установе паперу.
Не засталася ў баку ад значнай падзеі ў жыцці дзяцей таксама і Бабруйская раённая арганізацыя рэспубліканскага ГА “Белая Русь”. У рамках акцыі “Белая Русь” — з любоўю да дзяцей” асобным вучням Варатынскай і Каменскай сярэдніх школ, Осаўскага і Туркоўскага ВПК дз/сад-СШ, а таксама Каменскай дапаможнай школы-інтэрната падчас лінейкі ўручаны ранцы і школьныя прыналежнасці.
Калектывы ўстаноў адукацыі дзякуюць сябрам і спонсарам за ўвагу і падарункі. Са свайго боку абяцаюць стараннай вучобай, творчымі і спартыўнымі дасягненнямі праслаўляць малую радзіму і родную Бабруйшчыну.
Алена КАРПЕНКА. Фота з архіва.