11-класніца Гарбацэвіцкай СШ Анжаліка Бабыдава і выпускніца Цялушскага ВПК «дз/сад-СШ» Марыя Юшкевіч удастоены дыпломаў па выніках удзелу ў абласным этапе рэспубліканскай алімпіяды па вучэбных прадметах.

Абласны этап прайшоў з 8 па 12 студзеня ў Магілёве. Удзел у ім прынялі 5 вучняў устаноў агульнай сярэдняй адукацыі раёна па прадметах «Руская мова і літаратура», «Матэматыка», «Інфарматыка», «Фізічная культура і здароўе».

Анжаліка Бабыдава заваявала дыплом 3-й ступені па рускай мове і літаратуры (настаўнік К.П. Курыленка), Марыя Юшкевіч — па фізічнай культуры і здароўі (настаўнік А.І. Гацко). Цялушская школьніца, хутчэй за ўсё, увой­дзе ў зборную каманду вобласці і будзе прадстаўляць Магілёўшчыну ў чацвёртым заключным этапе прэстыжнага вучнёўскага спаборніцтва.

Зрэшты, вынікам мінулагодняй рэспубліканскай алімпіяды (абласнога этапу) па вучэбных прадметах стаў заахвочвальны водгук па матэматыцы. Дыпломаў раённыя школьнікі не мелі.

Алена КАРПЕНКА.