“Будзем разам” — у Туголіцы

Працягваецца падпіска на 1-е паўгоддзе 2019 года на раённую газету “Трыбуна працы”.

Супрацоўнікі “раёнкі” ў гэтых мэтах выкарыстоўваюць любую магчымасць непасрэдных зносінаў з насельніцтвам, даводзяць вяскоўцам пра асноўныя напрамкі дзейнасці рэдакцыі, а заадно і цікавяцца, якімі б тэмамі, на думку вяс­коўцаў, газета добра каб пашырылася, што хвалюе насель­ніцтва, як звязацца з рэдакцыяй за садзеяннем у вырашэнні праблемы, якая ў кампетэнтных інстанцыях па той ці іншай прычыне засталася без увагі. І, вядома ж, заахвочвалі жыхароў раёна падпісацца на “Трыбуну працы”. Газету, якая знаёміць з асноўнымі навінамі вобласці і краіны, ўсебакова распавядае пра жыццё раёна, дасягненні і поспехі дарослых і маленькіх яго жыхароў, рашэннямі раённага выканаўчага камітэта і раённага Савета дэпутатаў, даводзіць слушную інфармацыю пра сустрэчы з чыноўнікамі, папярэджвае аб негатыўных праявах у жыцці, вучыць бяспечнай жыццядзейнасці, закранае шэраг іншых значных і цікавых тэм.

У мінулую пятніцу акцыю “Будзем разам” супрацоўнікі
“раёнкі” правялі на паштовым аддзяленні пас. Туголіца. Кожны, хто выказаў жаданне падпісацца, атрымаў сувенір. Каляндар на новы 2019 год ад газеты атрымаў і пастаянны наш падпісчык Пётр Людвігавіч Ліпень (на фота).

Алена КАРПЕНКА. Фота Іллі КАСЬКО.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.