Конкурс відэафільмаў, прысвечаны 75-годдзю вызвалення Беларусі ад нямецка-фашысцкіх захопнікаў і Перамогі ў Вялікай Айчыннай вайне, аб’яўлены галоўным упраўленнем ідэалагічнай работы, культуры і па справах моладзі Магілёўскага аблвыканкама.

Мэтай конкурсу з’яўляецца захаванне гераічнага мінулага і цяперашняга нашага краю. Праводзіцца ён у трох намінацыях — “Гераічная гісторыя рэгіёнаў і вобласці ў Вялікай Айчыннай вайне” (абарона, падполле, вызваленне); “Адраджэнне гарадоў, раёнаў, вобласці”, “Дзеці вайны”.

Прыняць удзел у конкурсе відэафільмаў могуць усе жадаючыя, неабыякавыя да лёсу нашай вобласці і краіны. Дапускаюцца як калектыўныя, так і індывідуальныя работы. Прадугледжана выкарыстанне матэрыялаў музеяў, архіваў, бібліятэк, уласныя ўспаміны, правераныя дадзеныя інтэрнэту. У асаблівасці заахвочваюцца дадзеныя ўласных відэаархіваў і іншыя матэрыялы. Відэафільмы могуць быць прысвечаны выбітным грамадзянам гарадоў, раёнаў, вобласці. Іх працягласць не павінна перабольшваць 15 хвілін.

Тэрмін правядзення абласнога конкурсу — з 1 студзеня па 1 кастрычніка сёлетняга года. Пераможцы і прызёры ў кожнай намінацыі будуць узнагароджаны ганаровымі граматамі, дыпломамі галоўнага ўпраўлення ідэалагічнай работы, культуры і па справах моладзі аблвыканкама, ганаровымі граматамі, дыпломамі і памятнымі сувенірамі абласнога Савета ветэранаў, абласнога камітэта ГА “БРСМ”, абласнога ГА “Беларускі фонд міру”, філіяла Белдзяржстраха па Магілёўскай вобласці, абласной арганізацыі Рэс­публіканскага ГА “Белая Русь”. Іх відэафільмы будуць дэманстравацца па Магілёўскаму тэлебачанні.

Даслаць работы неабходна да 20 верасня на электронную пошту okbrsm@inbox.ru з паметкай /Відэаконкурс/. Кантактны тэлефон 8(029) 240-40-43 (МТС).