Незвычайныя ўрокі беларускай мовы
22 лютага ў культурную сталiцу Беларусi-2017 — г. Бабруйск — прыехала адукацыйная праграма «Чытаем па-беларуску з Velcom».
Гэтая ініціятыва існуе ўжо другі год i праводзiцца пры падтрымцы Міністэрства адукацыі Рэспублікі Беларусь. Задача сацыяльна-адукацыйнага праекта — папулярызацыя беларускай мовы i лiтаратуры, далучэнне дзяцей да нацыянальнай культуры. Пастаяннымі настаўнікамі ініцыятывы з’яўляюцца вядомыя беларускія пісьменнікі, паэты і тэлевядучыя, а таксама спартсмены, і акцёры.
У займальных уроках прынялі ўдзел вучні бабруйскіх гiмназiй i школ. Для малодшых школьнікаў падрыхтавалі цікавую праграму з гульнямі, загадкамі i песнямі. Настаўнікамі незвычайных урокаў беларускай мовы і літаратуры сталі музыкант і тэлевядучы А. Такінданг, вядомы аматар падарожжаў па краіне Ю. Жыгамонт, а таксама пісьменніца А. Масла.
Людмiла ЛЮБІМЦАВА.
Фота Юрыя ЮРКЕВІЧА.
