Шаноўныя чытачы, нагадваем, што збор сродкаў на адкрыццё музея Алеся Адамовіча ў пасёлку Глуша працягваецца.

Аддзел ідэалагічнай работы, культуры і па справах моладзі Бабруйскага райвыканкама выказвае шчырыя словы падзякі ўсім: працоўным калектывам і проста неабыякавым людзям, хто падтрымаў ініцыятыву стварэння музея знакамітага земляка на яго малой Радзіме, там, дзе прайшло дзяцінства Алеся Адамовіча і дзе ён пахаваны — пералічыў грашовыя сродкі на спецыяльна створаны для гэтых мэт банкаўскі рахунак. Асобная падзяка за значную матэрыяльную падтрымку Нобелеўскаму лаўрэату, пісьменніцы Святлане Алексіевіч, якая, як і абяцала, пералічыла на сварэнне музея суму, эквівалентную 5 тысячам даляраў ЗША.

Усяго на гэты час сума пералічэнняў складае 11 275 рублёў 55 капеек. Дастатковая для таго, каб вырабіць праектна-сметную дакументацыю на аднаўленне былой аптэкі ў пасёлку Глуша — месца, якое часта згадваецца ў творах знакамітага земляка, дзе ў свой час працавала маці пісьменніка і дзе ў гады вайны быў цэнтр глушанскага падполля. Дарэчы, музей мае быць прысвечаны і гэтай важнай тэме.

Для ўсіх, хто неабыякавы да ўшанавання памяці Алеся Адамовіча, — пісьменніка, чые антываенныя творы перакладзены на шматлікія мовы свету, хто зацікаўлены ў стварэнні на яго малой Радзіме музея, нагадваем рэквізіты добраахвотнага рахунку:

Отдел идеологической работы, культуры и по делам молодежи Бобруйского райисполкома р/с 3642129272326 в филиале 703 ОАО СБ “Беларусбанк”, код 706 г. Бобруйск, УНН 701226324. Назначение платежа “Для изготовления проектно-сметной документации и реконструкции здания в п. Глуша под музей А. Адамовича”.