Школьнікі пішуць пра міліцыю

Падыходзіць да завяршэння раённы этап абласнога конкурсу творчых работ школьнікаў на міліцэйскую тэматыку.

Конкурс ставіць сваёй задачай фарміраванне грамадзянскай самасвядомасці і актыўнай грамадзянскай пазіцыі навучэнцаў, прыцягненне іх увагі да пытанняў службы ў міліцыі, стымуляванне школьнікаў да самастойнага вывучэння аспектаў дадзенай службы, фарміраванне ў моладзі культуры прававой свядомасці і прававых паводзін.

Конкурс праводзіцца па трох намінацыях: проза, паэзія, іншыя літаратурныя формы. На гэты час удзел у ім прынялі старшакласнікі пяці раённых школ. Сярод заяўленых работ дзве прэтэндуюць на ўдзел у намінацыі “паэзія”.

Пераможцы раённага этапа конкурсу будуць узнагароджаны дыпломамі аддзела ўнутраных спраў Бабруйскага райвыканкама. Найлепшая работа прыме ўдзел у абласным этапе конкурсу, які будзе праходзіць на працягу лютага.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.