Прайшла медыка-асветніцкая акцыя
У сераду на гэтым тыдні ў холе будынка раённага выканаўчага камітэта, у рамках раённай прафілактычнай акцыі “Дзень цвярозасці”, прызначанай на 19 сакавіка, прайшла медыка-асветніцкая акцыя, накіраваная на папярэджанне залежнасцяў і туберкулёзу, сувязь паміж якімі, як адзначаюць медыкі, відавочная. У людзей, якія злоўжываюць спіртнымі напоямі, маюць залежнасці ад курэння і наркотыкаў, часцей за ўсё развіваецца гэтая надзвычай небяспечная хвароба.
Падчас акцыі валеолаг Бабруйскай гарадской паліклінікі № 2 Л.У. Колесава прапаноўвала ўдзельнікам мерапрыемства памераць артэрыяльны ціск, прайсці анкетаванне на валоданне інфармацыяй пра туберкулёз і на схільнасць да алкагалізму, а таксама даведачны матэрыял па прафілактыцы шкодных звычак і туберкулёзу. Акрамя таго, жадаючыя мелі магчымасць атрымаць кансультацыі ўрача-тэрапеўта В.С. Гаўрылавай і псіхолага паліклінікі
А.У. Ганчаровай, якія вялі прыём тут жа.
За тры гадзіны, што доўжылася акцыя, яе ўдзельнікамі сталі болей за 30 чалавек з ліку работнікаў выканкама і наведвальнікаў установы.
Алена КАРПЕНКА.