Дзейнасць школьнага настаў іка даўно выйшла па-за рамкі выкладання толькі вучэбных прадметаў. Праблемы ў грамадстве ўнеслі карэктывы і ў змест работы педагогаў. Распаўсюджванне наркатычных рэчываў, узнікненне “спайсаў”, суіцыд, насілле ў сям’і, псіхалагічныя праблемы — вось далёка не поўны спіс падлеткавых праблем, якія сучасны педагог павінен прадбачыць і дапамагчы іх пазбегнуць. Таму педагог павінен быць дасведчаным і па гэтых, няшкольных тэмах.

З мэтай кансультавання калектыву Ленінскага ВПК «Дзіцячы сад-СШ» установу адукацыі наведалі супрацоўнікі УЗ “БГП №2”: загадчык тэрапеўтычнага аддзялення А.Г. Сярогін, нарколаг Л.М. Рогава, псіхолаг С.А. Цішкова. З вуснаў спецыялістаў настаўнікі атрымалі канкрэтныя звесткі аб страшнай пагрозе для здароўя маладых — ужыванне сінтэтычных курыцельных сумясей. Наступствы пасля іх ўжывання непрадказальныя. Выступаючыя адказалі на пытанні аўдыторыі.

Не кожны ведае, як выглядае “дамашняе насілле“. Многім здаецца, што лаянка, пакаранне, павучанне – звычайнае выхаванне. Аднак, існуе мяжа, якую часта пераступае больш моцны партнёр. Гэтыя і іншыя праблемы часта прыводзяць да суіцыду, псіхічных растройстваў. Задача медыцынскіх і педагагічных работнікаў — сумесна пераадолець нездаровыя імкненні навучэнцаў і іх бацькоў.

Госці пакінулі буклеты, інфармацыйныя лісткі, тэсты, памяткі і іншую друкаваную прадукцыю па азначанай праблеме з мэтай інфармавання і выкарыстання ў выхаваўчай рабоце педагогамі. Разам будзе зручней змагацца супраць бяды.

Таццяна Бусел,

вучаніца Ленінскага ВПК «Дзіцячы сад-СШ», юнкар.