«Вясёлка» — верны сябар юных чытачоў

Ва ўмовах інфарматызацыі сучаснага грамадства асаблівую актуальнасць набывае фарміраванне  інфармацыйнай культуры асобы, перад якой адкрываюцца шырокія перспектывы  эфектыўнага выкарыстання накопленых чалавецтвам  інфармацыйных рэсурсаў. Бібліятэкі — гэта тое асяроддзе, дзе дзіця можа атрымаць інфармацыю, навучыцца самастойна знаходзіць гэту інфармацыю і навучыцца інфармацыйнай культуры ў цэлым.

DSC02838

DSC02841

Аддзел па рабоце з дзецьмі цэнтральнай раённай бібліятэкі сумесна з бібліятэкай САШ №3 працуе згодна плана правядзення ўрокаў інфармацыйнай культуры. Так, днямі ў каміннай зале цэнтральнай бібліятэкі для ўдзельнікаў агенцтва аматараў “Кнігавічок” і вучняў 2 класа школы №3 арганізаваны займальны ўрок інфармацыйнай культуры «Вясёлка» — гэта наша дзяцінства”. Бібліятэкары ставілі сваёй мэтай далучыць дзяцей да сістэматычнага чытання газет і часопісаў, навучыць асноўным правілам іх чытання, выхоўваць жаданне ў дзяцей самастойна працаваць з перыядычнымі выданнямі на прыкладзе часопіса “Вясёлка”. Як паведаміла бібліятэкар школы №3  Н. Слука, у свет выйшла больш за 600 дзівосных часопісаў, своеасаблівых кніжак. Гэта бібліятэка дзіцячага чытання — сапраўдны скарб. З мэтай нагоды ўдзельнікі мерапрыемства адправіліся ў падарожжа па цікавых старонках “Вясёлкі”. На станцыі “Вытокі” дзеці даведаліся, што заснаваў і 17 гадоў рэдагаваў гэты часопіс Васіль Вітка. На прыпынках “Крышку пра кніжку”, “Хвілінкі-весялінкі”, “Каласавічок”, “Тэрыторыя эрудытаў”, “Музей “Вясёлкі” дзеці чыталі вершы, казкі, апавяданні, дэманстравалі ілюстрацыі часопіса, па серыі сюжэтных малюнкаў самі складалі цікавыя гісторыі. “Вясёлка” была, ёсць і будзе верным сябрам нашых юных чытачоў.

На ўроку інфармацыйнай культуры дзеці пазнаёміліся з беларускімі газетамі і часопісамі, якіх у дзіцячай чытальнай зале вельмі шмат і яны яркія, пазнавальныя і вельмі займальныя. Гэта “Лесавік”, “Рюкзак”, “Рюкзачок”, “Мир путешествий”, “Юный спасатель”, “Весёлый зоопарк”, “Тигра”, “Познайка” і іншыя. Адкрыццём для ўсіх  стаў выхад у свет новага часопіса для дзяцей — чытанкі-маляванкі “Буся”. Як паведаміла бібліятэкар цэнтральнай бібліятэкі С. Грыцэнка, прэзентацыя часопіса адбылася на рэспубліканскім свяце — Дні пісьменства ў Быхаве. Бібліятэкары ўпэўнены, што вясёлкаўскі “Буся” стане добрым нянем, выхавальнікам для ўсіх хлопчыкаў і дзяўчынак Беларусі.

Галіна Буткевіч,

намеснік дырэктара  бібліятэчнай сеткі Бабруйскага раёна.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.