Беларуская піянерыя святкуе юбілей
«Віват, Піянерыя!» — пад такой назвай на гэтым тыдні, 15 верасня, у горадзе Магілёве прайшло абласное свята, прысвечанае 20-годдзю самавызначэння грамадскага аб’яднання “Беларуская рэспубліканская піянерская арганізацыя”.
Ад нашага раёна ўдзел у свяце прынялі піянеры туголіцкай школы разам з педагогам-арганізатарам навучальнай установы Аксанай Вікторэнка і педагогам-арганізатарам Цэнтра пазашкольнай выхаваўчаў работы з навучэнцамі раёна Аленай Паляковіч. Як нам паведаміла Алена Аляксандраўна, мерапрыемства прайшло надзвычай цікава, насіла як пазнавальны, так і выхаваўчы характар. Нашыя школьнікі мелі магчымасць пабываць на ўрачыстасці з нагоды прыёму акцябрат горада Магілёва ў члены піянерскай арганізацыі; паслухаць выступленні ветэранаў піянерскага руху. У сувязі з тым, што сёлетняе мерапрыемства прысвячалася 65-годдзю Перамогі ў Вялікай Айчыннай вайне, школьнікам было прадэманстравана тэатралізаванае відовішча “У імя жыцця на зямлі”.
Алена КАРПЕНКА.