На прыём да дэпутата | Трыбуна працы

На прыём да дэпутата

На працягу двух гадзін 10 лютага ў пабудове Гарбацэвіцкага сельвыканкама доўжыўся прыём грамадзян дэпутатам Палаты прадстаўнікоў Нацыянальнага сходу Рэспублікі Беларусь Ігарам Паўлавічам Кананчуком.

Як паказвае практыка, да дэпутата такога ўзроўню выбаршчыкі звяртаюцца ў выпадках, калі праблема, якая іх хвалюе, не знаходзіць вырашэння “на месцы”, а таксама за садзеяннем у тым ці іншым пытанні. Апошняе, да прыкладу, стала прычынай звароту да Ігара Кананчука шматдзетнай маці, якая пражывае ў раённым доме, тэрыторыя якога мяжуе з гарадской. Жанчыну хвалюе пытанне працаўладкавання. З аднаго боку — яна жыхарка раёна, мае высоказапатрабаваную ў сельскагаспадарчай галіне прафесію і плануе заставацца ў ёй, з другога — шматдзетная маці з пяцёра непаўналетнімі, якой на працягу некалькіх год патрабуецца нармаваная работа ў нязначнай аддаленасці ад дому. Самастойныя пошукі працаўладкавання, па словах наведвальніцы, станоўчага выніку не далі: наймальнікі з насцярожанасцю адносяцца да шматдзетнай маці з малалетнімі.
Гэтае, а таксама іншыя пытанні, якія падчас прыёму паступілі, дэпутат узяў на кантроль.

Алена КАРПЕНКА. Фота аўтара.

Добавить комментарий

Ваш e-mail не будет опубликован.