У філіяле «Варатынь» палепшылі ўмовы для цялятак

Прафілакторый для маленькіх цялятак на 108 галоў на малочна-таварнай ферме №1 філіяла “Варатынь” ААТ “БЗТДіА”, закладка якога адбылася ў мінулым годзе, днямі ўведзены ў эксплуатацыю.

Пакуль у новай будыніне ўтрымліваецца 29 цялушак і бычкоў, але паступова абжытымі стануць усе драўляныя клеткі. У адпаведнасці з тэхналогіяй вырошчвання маладняку цяляты ў прафілакторыі будуць утрымлівацца да трохмесячнага ўзросту — вагі не меней за 100-110 кг. Умовы для жывёлы ў новай будыніне створаны камфортныя, у кожнага цяляці — індывідуальны посуд: для вады і малака, розных відаў сухога корму. Плюс да гэтага — да адкрыцця аб’екту гаспадарка набыла сучасную ўстаноўку на 200 л для пастэрызавання малака, ці, як спрошчана называюць агрэгат, — “малочнае таксі”. Змясціўшы неабходную колькасць малака ў пастэрызатар і задаўшы апошняму адпаведны тэмпературны рэжым, на выхадзе жывёлавод Надзея Сцяпанава — а менавіта ёй даручаны догляд маленькай жывёлы — атрымлівае добрапрыдатны для цялячага засвойвання прадукт.

Алена КАРПЕНКА. Фота Юрыя ЮРКЕВІЧА.

У філіяле «Варатынь» палепшылі ўмовы для цялятак: 1 комментарий

  • 04.11.2017 в 13:46
    Permalink

    Очень хорошая статья хотелось бы более подробно узнать какова стоимость данного объекта кто строил, само предприятие или подрядная организация. Планируется ли строительства данных объектов во всех сельхоз организациях.

    Ответ

Добавить комментарий

Ваш e-mail не будет опубликован.