Пятровіцкія дэпутаты сустрэліся са сваімі выбаршчыкамі

Сёння ў Доме народнай творчасці в. Пятровічы прайшла сустрэча дэпутатаў раённага і мясцовага саветаў дэпутатаў па Пятровіцкай выбарчай акрузе № 31— Юрыя Васільевіча Бобікава і Дзмітрыя Іванавіча Гайшуна, з жыхарамі населенага пункта. Удзел у мерапрыемстве прыняла і старшыня мясцовага сельвыканкама Галіна Прыгара.

Вяскоўцаў на сустрэчу прыйшло хоць і не багата, але пытанні паднялі значныя — рамонту дарогі ў населеным пункце і ачысткі калодзежа па вуліцы Партызанскай. У дачыненні дарогі было прынята рашэнне накіраваць дэпутацкі запыт ва УКП “Жылкамгас”, на балансе якога значыцца дадзены ўчастак. Што датычыцца калодзежа, то яго ачыстку сельсавет узяў на сябе.

Алена КАРПЕНКА. Фота Юрыя ЮРКЕВІЧА.

Добавить комментарий

Ваш e-mail не будет опубликован.