Плённым стаў сёлетні год для навучэнцаў інструментальнага аддзялення Бабруйскай раённай дзіцячай школы мастацтваў пас. Туголіца — прынёс шэраг перамог у розных намінацыях.

Арсеній Аксёнаў у намінацыі “Дэбют” (конкурс “Рытмы натхнення”) стаў лаўрэатам 2-й ступені, Кірыл Фралоў — лаўрэатам 1-й ступені ў гэтым конкурсе, а таксама ў творчых спаборніцтвах — конкурсах “Калядная казка”, “Мар з Музыкантафф”, “Музыка нас звязала”. Дуэт “Гармонія”: Кірыл Фралоў (гітара) і Насця Сідарэнка (домра) у конкурсе “Art London fest” стаў лаўрэатам 1-й ступені.

— Мы, вядома ж, марылі пра новых адораных вучняў, пра прызавыя месцы — і новы год у гэтым плане нас моцна парадаваў! — не без эмоцый расказвае настаўніца школы мастацтваў Наталля Уладзіміраўна Бычкоўская, пералічваючы імёны і ўзнагароды выхаванцаў.

Яна жадае сваім вучням не спыняцца на дасягнутым, заўжды імкнуцца да большага, творчага запалу і натхнення. Адначасова выказвае шчырую падзяку бацькам навучэнцаў: Аксёнавай В.Ю., Сідарэнка А.Р., Фраловай Л.А. за матэрыяльную падтрымку, актыўны ўдзел у жыцці сваіх дзяцей. 

Алена КАРПЕНКА.