Сёння адбылася інфармацыйная сустрэча дэпутата Палаты прадстаўнікоў Нацыянальнага сходу Уладзіміра Гацко з калектывам Глушанскага ВПК “Дз/сад-СШ”. 

Парламентарый засяродзіў увагу педагогаў і работнікаў установы адукацыі на значнасці намечанага на 27 лютага мерапрыемства. Заклікаў кожнага прыняць удзел у канстытуцыйным рэферэндуме — паўдзельнічаць у вызначэнні будучыні краіны, будучыні сваіх дзяцей і ўнукаў.

Дэпутат спыніўся на сутнасці змен Асноўнага Закона і патлумачыў прычыны, якія прывялі да неабходнасці абнавіць Канстытуцыю.

***

Раней у гэтай жа навучальнай установе адбылася сустрэча кіраўніка Бабруйскай раённай арганізацыі грамадскага аб’яднання “Беларускі саюз ветэранаў вайны ў Афганістане” Сяргея Станкевіча. Сяргей Францавіч адзначыў, что пачатак усіх пачаткаў — гістарычная памяць і праўда аб гераічным мінулым беларускага народа. Таму важнасць і своечасовасць гэтых дапаўненняў ў Канстытуцыю — відавочна.

***

“Грамадства пастаянна развіваецца. І таму лагічна, што абноўленая Канстытуцыя закранае практычна ўсе сферы жыцця”, — адзначыла ў сваім выступленні Таццяна Варанко, намеснік старшыні райвыканкама, якая сёння сустрэлася з калектывам Каменскай дапаможнай школы-інтэрната. Таццяна Аляксандраўна падкрэсліла, што змены і дапаўненні Асноўнага Закона краіны закрануць і жыццё будучых пакаленняў, нашых дзяцей і ўнукаў. Таму кожнаму з нас трэба ўважліва вывучыць праект Канстытуцыі і прыняць удзел у рэферэндуме, праявіць сваю актыўную грамадзянскую пазіцыю.

Ул. інф.