Памочнік Прэзідэнта Рэспублікі Беларусь – інспектар па Магілёўскай вобласці Леанід Мартынюк наведаў з рабочым візітам Бабруйшчыну. Пабываў на Бабруйскім заводзе раслінных алей, заводзе трактарных дэталяў і агрэгатаў, а таксама ў філіяле “Харчавік-Агра” ААТ “Чырвоны харчавік АграСэрвіс”.

У сельгасарганізацыі паназіраў за работай на хлебнай ніве, пацікавіўся чаканай і фактычнай  ураджайнасцю азімага жыта (гэтую культуру якраз убіраюць), якасцю ўборкі: абмалотам калосся і стратамі пасля камбайна. З інтарэсам выслухаў расповед дырэктара філіяла “Харчавік-Агра” Міхаіла Стрыжэўскага і галоўнага агранома Валянціны Масолавай пра сабраны багаты ўраджай азімага рапсу, старшыні Бабруйскага райвыканкама Аляксандра Сухадольскага — пра ход жніва ў цэлым па раёне. Пажадаў сельгасвытворцам плённай працы і даў некаторыя парады адносна павелічэння эфектыўнасці вытворчасці прадукцыі раслінаводства.

Уласн. інф.