Як мы ўжо паведамлялі, з мэтай выяўлення і падтрымкі найболей таленавітых навучэнцаў у нашым раёне 5 і 12 снежня мінулага года прайшоў другі этап рэспубліканскай алімпіяды па вучэбных прадметах. Удзел у дадзеным этапе прынялі 193 вучні, з іх 13 — навучэнцы ліцэя №13.

Па выніках раённага этапу 29 школьнікаў узнагароджаны дыпломамі і 62 — граматамі. Дыпламантамі 1-й ступені сталі 9 вучняў:

Дзьобік Ягор (Брожская СШ, 11 штрых-клас, беларуская мова і літаратура, настаўнік Н.У. Вярбіцкая);

Шлык Алена (Міхалёўскі ВПК, 11 штрых-клас, англійская мова, настаўнік В.В. Каліошка);

Прыгара Павел (Гарохаўскі ВПК, 9 клас, фізіка, настаўнік М.Д. Зябкін);

Мігас Канстанцін (Каменская СШ, 10 клас, фізіка, настаўнік В.С. Барадзіна);

Яромін Сяргей (Осаўскі ВПК, 11 штрых-клас, фізіка, настаўнік Э.Б. Беразоўскі);

Бялоўскі Максім (Цялушскі ВПК, 8 клас, матэматыка, настаўнік А.А. Шкрадзюк);

Канькова Вікторыя (Хімоўскі ВПК, 10 клас, матэматыка, настаўнік Н.М. Савачкіна);

Мурленка Дзмітрый (Варатынская СШ, 9 клас, тэхнічная праца, настаўнік А.Я. Белазор);

Лапцева Ганна (Осаўскі ВПК, 9 клас, абслуговая праца, настаўнік Л.А. Раманоўская).

Штогод адзначаецца мэтанакіраваная работа педагогаў і адміністрацыі Брожскай школы па падрыхтоўцы вучняў. Сёлета з добрага боку характарызуюцца таксама Осаўскі ВПК і Каменская СШ.

Адзначаны і высокі ўзровень арганізацыйнай работы па падрыхтоўцы і правядзенні 2-га этапу рэспубліканскай алімпіяды Хімоўскага ВПК (дырэктар Н.М. Новікава, намеснік дырэктара па вучэбнай рабоце В.М. Пішчык, па выхаваўчай — Г.А. Краснеўская).

Па выніках раённага этапу лепшыя вучні і іх настаўнікі, акрамя ўзнагарод, атрымаюць і грашовыя прэміі.

Алена КАРПЕНКА.