Асноўная ўвага сельгасвытворцаў гэтым часам скіравана на падрыхтоўку глебы пад ярыну: зябліва паднята болей за 100 працэнтаў ад задання, уносяцца мінеральныя і арганічныя ўгнаенні. Апошніх на раніцу панядзелка, як адзначыў на планёрцы першы намеснік старшыні райвыканкама, начальнік райсельгасхарчу Валерый Сяргейчык, у цэлым па раёне было нарыхтавана болей за палову ад плану, вывезена на палі 45 працэнтаў.    

У гаспадарках актыўна вядзецца падрыхтоўка насення яравых культур. Завяршыць яе неабходна да 1 снежня.  Што да жывёлагадоўлі, то тут, па словах Валерыя Сяргейчыка, гаспадаркам прыдзецца павярнуцца тварам да свінагадоўлі. На нарадзе, якая прайшла на мінулым тыдні, перад племстанцыяй пастаўлена задача — узяць на кантроль асемяненне жывёлы. Таму што на гэты час, як адзначыў начальнік райсельгасхарчу, сур’ёзна свінагадоўляй займаюцца толькі тры сельгаспрадпрыемствы раёна.

Што да якасці малака, то стаіць задача — у кожнай гаспадарцы абавязкова мець хаця б адну ферму, адкуль малако на пераапрацоўку пастаўлялася б экстра-класам. На гэты час такой фермы няма толькі ў філіяле “Харчавік-Агра” ААТ “Чырвоны харчавік”. Між тым, Міхаіл Шалкоўскі заўважыў, што планка пастаўлена нізкая: неабходна імкнуцца да таго, каб усе, а не адна, фермы пастаўлялі дзяржаве прадукцыю самым высокім гатункам. Разам з тым кіраўнік раёна нагадаў не забывацца пра навядзенне парадку на фермах і мехдварах.     

Алена КАРПЕНКА.

Палявыя работы ў раёне ў стадыі завяршэння, — паведаміў на планёрцы, якую ў панядзелак на гэтым тыдні правёў старшыня раённага выканаўчага камітэта Міхаіл Шалкоўскі, першы намеснік старшыні, начальнік упраўлення райсельгасхарчу Валерый Сяргейчык. У прыватнасці было адзначана, што ў сельгасарганізацыях гэтым часам пад план будучага года ўносяцца калійныя ўгнаенні, нарыхтоўваецца, вывозіцца на палі і ўносіцца ў глебу арганіка. Што да жывёлагадоўлі, то тут, па словах Валерыя Сяргейчыка, маюцца недапрацоўкі ў малочнай вытворчасці. Валавы надой малака на пачатак тыдня склаў у цэлым па раёне 99 працэнтаў. З “плюсам” спрацавалі толькі 5 сельгасарганізацый. Зразумела, такой сітуацыя заставацца не можа, — адзначыў кіраўнік раёна і загадаў у самы кароткі тэрмін яе выправіць. 

Алена КАРПЕНКА.

Уборка цукровых буракоў у раёне завяршылася, — паведаміў на планёрцы, якую ў панядзелак на гэтым тыдні правёў старшыня райвыканкама Міхаіл Шалкоўскі, першы намеснік старшыні райвыканкама, начальнік упраўлення райсельгасхарчу Валерый Сяргейчык. Пры гэтым было адзначана, што найлепшы ўраджай буракоў атрымалі ў СВК “Калгас імя А. Неўскага” — 400 ц /га, самы нізкі (100 ц/ га) — у ААТ “Агракамбінат “Бабруйскі”. Уборку гародніны (капусты і морквы) засталося ўбраць у БТАА “Амега-Люкс”. Ва ўсіх гаспадарках гэтым часам займаюцца вывазкай на палі арганікі. Апошняе, па словах кіраўніка раёна, неабходна актыўнымі тэмпамі працягваць, гэтак жа, як і ўносіць угнаенні ў глебу, тым болей, што паліва на дадзеныя мэты маецца.

Алена КАРПЕНКА.