Раённыя школьніцы — Тарасава Анастасія з Міхалёўскага ВПК «Дзіцячы сад-СШ» (на фота злева) і Грышчанка Дзіяна з Брожскай СШ удастоены ганаровых дыпломаў (адпаведна 1-й і 3-й ступеняў) па выніках удзелу ў XI Міжнароднай маладзёжнай навукова-практычнай канфе­рэнцыі «Вялікая Айчынная вайна 1941-1945 гадоў у гістарычнай памяці народа», якая прайшла ў 174-й сталічнай гімназіі.

Насця прадставіла на канферэнцыю даследчую работу «Слова клікала ў бой» (газета «Бабруйскі партызан» як крыніца матэрыялу для агітацыйна-масавай работы сярод партызан і насельніцтва Бабруйскага раёна), навуковы кіраўнік Кандрацьева Т.В., Дзіяна — «Памяць, апранутая ў камень» (даследаванне з`яўлення помнікаў воінам і ахвярам Вялікай Айчыннай вайны на тэрыторыі Брожскага сельсавета), навуковыя кіраўнікі — Жураўлёва І.М., Шарапаў У.У.

Зрэшты, для Анастасіі Тарасавай гэта не першы па ліку ўдзел у міжнароднай канферэнцыі даследчых навукова-практычных работ і не першая перамога. У 2016 годзе школьніца была ўдастоена дыплома 1-й ступені, у мінулым годзе — 3-й ступені. Аргкамітэт адзначыў удзяч­насцю настаўніка беларускай мовы і літаратуры Міхалёўскага ВПК Тамару Кандрацьеву за выдатную падрыхтоўку вучаніцы да ўдзелу ў канферэнцыі.

Алена КАРПЕНКА. Фота з архіваў устаноў адукацыі.