Грамадзяне, якія пражываюць у жылых памяшканнях камерцыйнага выкарыстання дзяржаўнага жыллёвага фонду (дзяржаўных кватэрах) маюць магчымасць перавесці іх у катэгорыю сацыяльнага і не плаціць за выкарыстанне жылога памяшкання. Падстава для гэтага — пункт 91 Палажэння аб уліку грамадзян, якія маюць патрэбу ў паляпшэнні жыллёвых умоў і аб парадку прадастаўлення жылых памяшканняў дзяржаўнага жыллёвага фонду, зацверджанага Указам Прэзідэнта Рэспублікі Беларусь ад 16 снежня 2013 года “Аб некаторых пытаннях прававога рэгулявання жыллёвых адносін” (далей — Палажэнне).

Для гэтага наймальніку жылога памяшкання камерцыйнага выкарыстання, які адносіцца да асоб, вызначаных пунктам 63 Палажэння, неабходна падаць заяву аб уключэнні займаемага ім жылога памяшкання камерцыйнага выкарыстання ў склад жылых памяшканняў сацыяльнага карыстання. Грамадзяне, якія пражываюць у жылым памяшканні сацыяльнага карыстання, вызваляюцца ад унясення платы за карыстанне ім.

У дапамогу — “адно акно”

Варта ведаць, што працэдура па ўключэнні жылога памяшкання камерцыйнага выкарыстання ў склад жылых памяшканняў сацыяльнага карыстання з’яўляецца адміністрацыйнай. Таму, каб яе ажыццявіць, грамадзяне маюць права звярнуцца ў службу “адно акно” Бабруйскага райвыканкама (вул. Пушкіна, 215-а, у будзённыя дні з 8.00 да 13.00 і з 14.00 да 17.00) з адпаведнай заявай, дакументам, які пацвярджае асобу, і тымі, якія пацвярджаюць права на ільготы. Пытанне змены статусу жылога памяшкання разгле­джваецца на пасяджэнні раённага выканаўчага камітэта.

Прэтэндэнты на змену статусу жылля

Асобы, вызначаныя пунктам 63 Палажэння, а гэта значыць:
63.1. грамадзяне, жылыя памяшканні якіх (у тым ліку належаць ім на праве ўласнасці) у сілу наступстваў надзвычайных сітуацый прыроднага і тэхнагеннага характару, баявых дзеянняў і актаў тэрарызму, сталі непрыдатнымі для пражывання;
63.2. грамадзяне, якія маюць захворванні, і грамадзяне, у складзе сем’яў якіх ёсць дзеці, якія маюць захворванні, указаныя ў пераліку, вызначаным Міністэрствам аховы здароўя, пры наяўнасці якіх прызнаецца немагчымым іх сумеснае пражыванне з іншымі асобамі ў адным пакоі ці аднапакаёвай кватэры;
63.3. дзеці-сіроты і дзеці, якія засталіся без бацькоўскай апекі, у адносінах якіх прынята рашэнне аб эмансіпацыі або якія заключылі шлюб, асобы з ліку дзяцей-сірот і дзяцей, якія засталіся без бацькоўскай апекі;
63.4. Героі Беларусі, Героі Савецкага Саюза, Героі Сацыялістычнай працы, поўныя кавалеры ардэноў Славы, Працоўнай Славы;
63.5. ветэраны і інваліды Вялікай Айчыннай вайны і інваліды баявых дзеянняў на тэрыторыі іншых дзяржаў з ліку катэгорый грамадзян, вызначаных арт. 2 і 4 Закона Рэс­публікі Беларусь ад 17.04.1992 г. “Аб ветэранах” (Ведамасці Вярхоўнага Савета РБ, 1992 г., №15, стар. 249; Нацыянальны рэестр прававых актаў Рэспублікі Беларусь, 2001 г., №67, 2/787);
63.6. грамадзяне, у тым ліку звольненыя ў запас (адстаўку), з ліку ваеннаслужачых, якія сталі інвалідамі з-за ранення, кантузіі, калецтва ці захворвання, атрыманых падчас выканання абавязкаў ваеннай службы (службовых абавязкаў), акрамя выпадкаў, калі інваліднасць стала вынікам супрацьпраўных дзеянняў, з-за алкагольнага, наркатычнага, таксічнага ап’яненняў, члена­шкодніцтва.
63.7. інваліды з дзяцінства ў выніку ранення, кантузіі, калецтва, звязаных з баявымі дзеяннямі ў перыяд Вялікай Айчыннай вайны або з наступствамі ваенных дзеянняў;
63.8. грамадзяне, якія захварэлі і перанеслі прамянё­вую хваробу, выкліканую наступствамі катастрофы на Чарнобыльскай АЭС, іншых радыяцыйных аварый, інваліды, у адносінах якіх ўстаноўлена прычынная сувязь калецтва ці захворвання, якое прывяло да інваліднасці, з катастрофай на Чарнобыльскай АЭС, іншымі радыяцыйнымі аварыямі;
63.9. непрацуючыя адзінокія інваліды I і II групы, акрамя вызначаных падпунктам 63.8 гэтага пункта.

Дарэчы

Для мэт дадзенага Палажэння пад непрацуючымі адзінокімі разумеюцца грамадзяне, якія не ажыццяўляюць працоўную дзейнасць на падставе працоўных дагавораў, грамадзянска-прававых дагавораў, прадметам якіх з’яўляюцца выкананне работ, аказанне паслуг і стварэнне аб’ектаў інтэлектуальнай уласнасці, і прадпрымальніцкую дзейнасць, якія не маюць працаздольных членаў сям’і, абавязаных па законе іх утрымліваць, якія пражываюць сумесна альбо ў адным населеным пункце.
63.10. непрацуючыя адзінокія пенсіянеры, асобы, якія дасягнулі пенсійнага ўзросту (жанчыны — 55 год, мужчыны — 60);
63.11. грамадзяне, у чыіх сем’ях маюцца дзеці-інваліды;
63.12. грамадзяне, чый сярэднемесячны сукупны даход на кожнага члена сям’і не перабольшвае зацверджанага бюджэту пражытачнага мінімуму ў сярэднім на душу насельніцтва, налічанага за 12 месяцаў, якія папярэднічалі месяцу пастаноўкі на ўлік (і на дзень прадастаўлення жылога памяшкання сацыяльнага карыс­тання), і якія маюць заяўленую маёмасць, агульны кошт якой не перабольшвае памеру кош­ту кватэры тыповых спажывецкіх якасцяў сыходзячы з максімальнай нормы прадастаўлення агульнай плошчы жылога памяшкання сацыяльнага карыстання на аднаго члена сям’і, з ліку наступных катэгорый:
63.12.1. інваліды I і II групы, за выключэннем інвалідаў, указаных у падпунктах 63.8 і 63.9 дадзенага пункта;
63.12.2. грамадзяне, якія пражываюць у дамах-інтэрнатах для састарэлых і інвалідаў, якім падчас пераасведчання ўстаноўлена III група інваліднасці (інваліднасць знята) альбо якія прызнаны ў вызначаным парадку дзеяздольнымі;
63.12.3. пенсіянеры, асобы, якія дасягнулі пенсійнага ўзрос­ту (жанчыны — 55 год, мужчыны — 60), за выключэннем пенсіянераў, указаных у падпункце 63.10 дадзенага пункта;
63.12.4. мнагадзетныя сем’і, а таксама маці, якім прысвоена званне “Маці-гераіня” альбо якія ўзнагароджаны ордэнам Маці, ордэнам “Мацярынская слава” альбо медалём “Медаль мацярынства”;
63.12.5. грамадзяне, якія ўзялі на выхаванне траіх і болей дзяцей-сірот і (альбо) дзяцей, якія засталіся без апекі бацькоў;
63.12.6. ветэраны баявых дзеянняў на тэрыторыі іншых дзяржаў;
63.12.7. члены сем’яў загінутых (памерлых) грамадзян, указаных у артыкуле 22 Закона Рэспублікі Беларусь “Аб ветэранах”.

Па ўсіх пытаннях, якія ўзнікаюць, можна звяртацца да начальніка аддзела жыллёва-камунальнай гаспадаркі Баб­руйскага райвыканкама Ірыны Генадзьеўны Пракопчык (каб. 58, тэл.: 72-05-48).

Падрыхтавала Алена КАРПЕНКА.