Членамі Бабруйскай раённай выбарчай камісіі па выбарах Прэзідэнта Рэспублікі Беларусь завершана работа па праверцы дакладнасці подпісаў выбаршчыкаў.

Інфармацыя, што была прадстаўлена за асоб, якія прэтэндуюць стаць кандыдатамі ў прэзідэнты Рэспублікі Беларусь: Аляксандра Лукашэнку, Андрэя Саннікава, Рыгора Кастусёва, Аляксея Міхалевіча, Яраслава Раманчука і Віталя Рымашэўскага, перададзена ў абласную выбарчую камісію.

Што тычыцца нашай раённай выбарчай камісіі, то праведзена падрыхтоўчая работа з членамі ўчастковых камісій (старшынямі, намеснікамі старшынь, сакратарамі). Падчас праведзенага з імі мерапрыемства апошнія былі праінструктаваны наконт падрыхтоўкі ўчасткаў для правядзення гэтай дзяржаўнай палітычнай кампаніі. Па словах старшыні Бабруйскай раённай выбарчай камісіі Святаслава Дашкоўскага, аб`езд з удзелам намесніка старшыні райвыканкама Святланы Носавай і члена камісіі Таццяны Мохань участкаў для галасавання і ўчастковых камісій даў магчымасць на месцы ўпэўніцца, што намечаная работа па падрыхтоўцы да выбараў праводзіцца.

Алена КАРПЕНКА.