Навучальны год скончыўся. Для выпускнікоў ён завяршыўся школьнымі іспытамі і ўрачыс­тым уручэннем атэстатаў. Апошняе ва ўсіх раённых установах агульнай сярэдняй адукацыі прайшло 10 чэрвеня.

Павіншаваць 11-класнікаў — іх у раёне 79 — з пас­пяховай здачай экзаменаў, пажадаць плёну на дарогу ў дарослае жыццё, правільнага выбару будучай прафесіі і ажыццяўлення запаветных мар прыйшлі прадстаўнікі аддзела адукацыі, спорту і турызму райвыканкама, педагогі школ, родныя і сябры выпускнікоў.
Між тым, з атрыманнем школьнага атэстату напружанне гэтага лета для большасці выпускнікоў не скончана. Ужо 13 чэрвеня пачалося цэнтралізаванае тэсціраванне. Пасля яго, ацаніўшы свае магчымасці, многія будуць трымаць конкурс у сярэднія і вышэйшыя навучальныя ўстановы, выбіраць жыццёвыя накірункі. Словам, клопатаў і турбот наперадзе яшчэ шмат. Таму шчыра жадаем: добрай дарогі вам, выпускнікі!

Алена КАРПЕНКА.