…Месячнік пад такой назвай праходзіў у раёне з 8 красавіка па 8 мая. Яго ініцыятарам выступіла раённае аб’яднанне прафсаюзаў. Удзел у мерапрыемствах па добраўпарадкаванні месцаў баявой і воінскай славы — менавіта такая мэта месячніка — прымаюць таксама актывісты ГА “БРСМ” і раённай ветэранскай арганізацыі.

Намаганнямі апошніх, пры матэрыяльнай падтрымцы ААТ “Бабруйскі КХП”, а таксама работнікаў прадпрыемства, мясцовай школы і жыхароў населенага пунк­та выкананы ў тым ліку немалы аб’ём работ па добраўпарадкаванні сквера ў аграгарадку Цялуша. Па словах старшыні сельсавета Мікалая Сакуна, грамадскае месца цяпер набыло адноўлены выгляд, а зэканомленыя сельвыканкамам сродкі будуць выкарыстаны на іншыя патрэбныя справы.

На тэрыторыі Гарбацэвіцкага сельсавета пры садзеянні педагогаў і школьнікаў мясцовай установы адукацыі прыведзены ў парадак тры брацкія магілы.

Алена КАРПЕНКА. Фота з архіву раённага аб’яднання прафсаюзаў.