Зіма не за гарамі
Наколькі суб’екты гаспадарання раёна да яе падрыхтаваны, далажыла на планёрцы начальнік аддзела жыллёва-камунальнай гаспадаркі райвыканкама Галіна Міргародская.
У прыватнасці было адзначана, што на ацяпляльны перыяд 2010-2011 г.г. жылкамгасу неабходна нарыхтаваць да пачатку новага года 16 180 м куб. дроў і 8 410 м куб. шчапы (план на 1 кастрычніка — 14 000 і 3 100 м куб. адпаведна). На канец мінулага тыдня згодна плану жылкамгасам недапастаўлена 2 397 м куб.
Бабруйскі і Клічаўскі лясгасы на гэты час таксама не забяспечылі выкананне даведзенага задання па пастаўцы дроў. Такім чынам запас дроў складае 65 працэнтаў да задання на 1 кастрычніка і 56 працэнтаў — да гадавога задання па нарыхтоўцы дроў.
Што тычыцца пашпартоў гатоўнасці, то іх на гэты час маюць 7 з 22-х цеплакарыстальнікаў (32 працэнты). З 41 цеплакрыніцы пашпарты гатоўнасці атрымалі 28 (68 працэнтаў).
Работы па нарыхтоўцы мясцовых відаў паліва і атрыманні пашпартоў неабходна паскорыць. Апошнія да 1 кастрычніка павінны атрымаць усе без выключэння цеплакарыстальнікі, — падкрэсліў старшыня райвыканкама Міхаіл Шалкоўскі.
Алена КАРПЕНКА.