У раёне гэтым часам вядзецца ўвесь комплекс асенне-палявых работ, — адзначыў на планёрцы ў гэты панядзелак першы намеснік старшыні райвыканкама, начальнік упраўлення райсельгасхарчу Валерый Сяргейчык. У прыватнасці сяўба азімых зерневых культур набліжаецца да заканчэння (на раніцу панядзелка было засеяна 82 працэнты плошчаў, адведзеных на гэтыя мэты). Грэчка засталася няўбранай у двух сельгасарганізацыях: СВК “Калгас імя А. Неўскага” і ААТ “Агракамбінат “Бабруйскі”, да канца тыдня культуру плануецца ўбраць. Бульбы выкапана 42 працэнты плошчаў, ураджайнасць культуры вагаецца ад 100 да 409 (СВК “Гігант”) цэнтнераў з аднаго гектара. Кукурузу на зерне і зялёную масу засталося ўбраць у “Гіганце”. Цукровых буракоў на раніцу панядзелка ўбрана 12 працэнтаў плошчаў. Гародніну ў раёне таксама ўбіраюць. Акрамя таго, у гаспадарках займаюцца засыпкай насення бульбы.

Што да вытворчасці малака, то валавы надой на канец тыдня ў цэлым па раёну склаў 103 працэнты.

Алена КАРПЕНКА.