Дыплома 3-й ступені дзяржаўнай установы дадатковай адукацыі “Абласны цэнтр творчасці” удастоена А.С. Смарчок, педагог аб’яднання па інтарэсах “Умелыя ручкі” Цэнтра творчасці раёна за высокі ўзровень выканання творчых работ.

Такая адзнака стала вынікам удзелу Алены Сцяпанаўны ў абласным этапе конкурсу метадычных распрацовак педагогаў дадатковай адукацыі “Мой лепшы занятак”, які прайшоў у студзені сёлетняга года. Усяго на конкурс было прадстаўлена 63 работы з 30 ўстаноў дадатковаў адукацыі вобласці. Ён ладзіўся з мэтай стымулявання творчага пошуку, прафесійнага росту педагогаў, выяўлення і ўкаранення педагагічных інавацый. Пададзеныя на конкурс матэрыялы ўяўлялі сабой метадычныя распрацоўкі заняткаў аб’яднанняў па інтарэсах мастацкага профілю (выяўленчае і дэкаратыўна-прыкладное мастацтва, вакальны і харэаграфічны накірунак, ігра на музычных інструментах). У распрацоўках былі прадстаўлены планы-канспекты заняткаў, тэхналагічныя і інструкцыйныя карты, дыдактычны матэрыял і метадычныя рэкамендацыі па правядзенні заняткаў.

Алена КАРПЕНКА.