Сучасны МТК на 756 галоў дойнага статку, будаўніцтва якога гэтым часам актыўна вядзецца ў філіяле “Варатынь” ААТ “Бабруйскі завод трактарных дэталяў і агрэгатаў”, плануюць увесці ў эксплуатацыю ў гэтае лета.

Усяго тут зможа ўтрымлівацца 1000 галоў дарослай жывёлы і прафілакторый для маленькіх цялят — да 2-хмесячнага ўзросту, на 240 галоў.

Неабходнасць у такога роду аб’екта ў сельгаспрадпрыемстве вялікая: цяперашнія памяшканні для ўтрымання кароў састарэлі, не адпавядаюць сучасным патрабаванням да вытворчасці малака.

Чакаецца, што з  увядзенннем новага аб’екта значна палепшацца ўмовы ўтрымання дойнага статка (каровы з двух старых ферм будуць перамешчаны на новы МТК) і ўмовы працы людзей, якія суправаджаюць вытворчы працэс, што прывядзе да нарошчвання аб’ёмаў вытворчасці малака.

Памяшканні, дзе зараз утрымліваецца дойны статак, плануецца  рэканструяваць пад дарошчванне маладняку.

Алена КАРПЕНКА.

Фота Віктара ШЭЙКІНА.