Тэхніка пастаўлена на зімовае захаванне
Асноўныя палявыя работы завершаны. Тэхніка, якая ў іх была задзейнічана, пастаўлена на зімовае захаванне.
28-29 лістапада, як нам паведамілі, адбудзецца агляд машынных двароў сельгасарганізацый раёна з удзелам прадстаўнікоў камітэта па сельскай гаспадарцы і харчаванні Магілёўскага аблвыканкама і будуць падведзены вынікі гэтага агляду. Прычым, падчас іх падвядзення будзе ўлічвацца не толькі непасрэдна пастаноўка тэхнікі на працяглае захаванне, але і добраўпарадкаванне тэрыторый машынных двароў, і гатоўнасць рамонтных майстэрняў да работы ў зімовых умовах.
На сёння з лепшага боку характарызуюцца мехдвары філіялаў “Варатынь” РУП “БЗТДіА” і “Харчавік-Агра” ААТ “Чырвоны харчавік”, а таксама СВК “Стасеўка”, ААТ “Агракамбінат “Бабруйскі”, Бабруйскага ААТ “Аграмашсервіс”. Не цалкам тэхніка пастаўлена на захаванне ў ААТ “Саўгас “Кісялевічы”, СВК “Калгас імя Дзяржынскага”.
Час да 28 лістапада яшчэ маецца. Пераможцаў агляду-конкурсу чакаюць грашовыя прэміі.
Алена КАРПЕНКА.