У клубных установах Бабруйскага раёна прайшлі мерапрыемствы, прымеркаваныя да Дня народнага адзінства. 

Так, у Варатынскім сельскім Доме культуры прайшла пазнавальная праграма «Мы адзіны!». У гэты дзень гучалі песні, вершы пра Беларусь і малую радзіму, былі падрыхтаваны інтэлектуальныя гульні. Мерапрыемства выклікала буру эмоцый, пакінула станоўчае ўражанне ў сэрцы кожнага прысутнага.

У Доме культуры таксама была аформлена кніжная выстава «Мы разам, мы адзіны». Пасля ўдзельнікаў запрасілі  ў музейны куток «Спадчына», дзе хлопцаў і дзяўчынак пазнаёмілі з побытам нашых продкаў. 

***

У Каменскім сельскім клубе адбылася канцэртная праграма «У адзінстве наша сіла». А супрацоўнікі цэнтралізаванай бібліятэчнай сеткі раёна пазнаёмілі хлопчыкаў і дзяўчынак з літаратурнай выставай «Мір і адзінства — залог сілы краіны».

***

У Глушанскім сельскім ДК прайшла квэст-гульня «Адзінства ў нас!».