На гэты час усе гаспадаркі раёна займаюцца касьбой траў другім укосам. Усяго па стану на раніцу 14 ліпеня скошана 1597 га сенакосаў, або 21 працэнт ад плану. Сена нарыхтавана 7 310 т (50 працэнтаў). Перавыканалі даведзены план па яго нарыхтоўцы філіял «Харчавік-Агра» ААТ «Чырвоны харчавік» (800 т, 114 працэнтаў) і ААТ «ЛенінаАгра» (700; 117).

Сенажу ў цэлым па раёне загатавана 48548 т, 92 працэнты. План яго нарыхтоўкі перавыканалі ў СВК «Гігант» (8784; 106), СВК «Калгас імя Дзяржынскага» (5793;116), філіяле «Варатынь» РУП «БЗ ТДіА» (7835; 133), СВК «Калгас імя А. Неўскага» (15024; 127). Сіласу на гэты час нарыхтавана 41953 т (41 працэнт).

Усяго на ўмоўную галаву ў сярэднім па раёне нарыхтавана 11,5 ц. к. адз. Вышэй за гэтую лічбу паказчыкі ў ААТ «ЛенінаАгра» — 14,1 ц. к. адз.; Бабруйскім ААТ «Аграмашсервіс» — 13,8; Бабруйскім СВК «Перамога» — 13,5; філіяле «Харчавік-Агра» — 13,5; СВК «Калгас імя Дзяржынскага» — 13,1; філіяле «Варатынь» — 12,5; Найніжэйшы паказчык на гэты час у СВК «Стасеўка» — 7,5 ц. к. адз. 

Алена КАРПЕНКА.