У корманарыхтоўчую пару — не да выходных. Гэта разумее кожны, хто  датычны  да аграрнай галіны. Сельгасвытворцы выкарыстоўваюць кожную пагодлівую хвіліну ў прамым сэнсе: не парупішся сёння — заўтра можа пайсці дождж.

На сенажаці філіяла “Харчавік-Агра” ААТ “Чырвоны харчавік-АграСэрвіс”, што паблізу Дубаўкі,  сёння працуюць  цэлым механізаваным атрадам — нарыхтоўваюць сянаж для закладкі на працяглае захаванне. Механізатар Юрый Уладзіміравіч Макавееў заняты на падборцы правяленай зялёнай масы, трактарыст Васіль Рыгоравіч Шынкарэнка — на яе адвозцы да траншэі. Перавозіць зялёную масу таксама вадзіцель Аляксандр Мікалаевіч Ступень. А механізатар Аляксандр Віктаравіч Ступень — кіроўца КВК-800, здробненую канюшыну падбірае. Касьба травы ў абавязках Уладзіміра Аляксандравіча Юшкевіча.

— Работы па нарыхтоўцы сенажу ідуць поўным ходам, — кажа дырэктар філіяла Марына Мікалаеўна Аўрамчык. — З плану ў 3500 тон, што вызначылі пакласці з траў першага ўкосу, нарыхтавана 1600 тон.

***

Шмат якія работы, звязаныя з корманарыхтоўкай, вядуцца сёння ў ААТ “Неўскі-Агра”. Непадалёк в. Туркоўская Слабада, да прыкладу, механізатар Фёдар Кірылавіч Дзяменцьеў запраўляе тэхнікай па зграбанні зялёнай масы.  

Алена КАРПЕНКА. Фота Віктара ШЭЙКІНА.