У ліку асноўных сельскагаспадарчых работ на гэтую пару — падрыхтоўка насення, вывазка на палі арганікі, назапашванне мінеральных угнаенняў.

Патрэба раёна ў насенні яравых збожжавых і зернебабовых раслін на бягучы год складае 1196 тон. На гэтую пару, як паведаміў начальнік вытворча-тэхналагічнага аддзела райсельгасхарча Віктар Садоўскі, з 2334 тон вораху, што меўся, ачышчана 2263 тоны ці 97% ад аб’ёму. Атрымана 1308 тон насення, з тых, што правераны — 587 тон (50% ад патрэбы) прызнаны кандыцыйнымі.

Надвор’е дазваляе працягваць вывазку на палі арганічных угнаенняў. Па апошніх дадзеных, вывезена 131 тыс. тон або 46% ад патрэбы веснавой сяўбы, з іх 68 тыс. тон унесена ў глебу.

Працягваецца таксама і назапашванне сельгасарганізацыямі мінеральных угнаенняў пад ярыну. У гэтыя дні вядзецца іх вывазка з базы ААТ Кіруючая кампанія холдынга “Аграмашсэрвіс”.

Алена КАРПЕНКА.