Чарговае пасяджэнне раённай камісіі па дэмаграфічнай бяспецы і фарміраванні здаровага ладу жыцця насельніцтва прайшло ў Бабруйскім райвыканкаме. Узначаліла работу камісіі намеснік старшыні раённага выканаўчага камітэта Таццяна Варанко.

Члены камісіі абмеркавалі пытанні рэалізацыі мерапрыемстваў падпраграмы 5 “Прафілактыка ВІЧ-інфекцыі” Дзяржаўнай праграмы “Здароўе народа і дэмаграфічная бяспека” на 2021-2025 годы; правядзення ў 2024 годзе імунізацыі насельніцтва супраць грыпу на тэрыторыі раёна і жыццеўладкавання пацыентаў, якія знаходзяцца на ложках сястрынскага догляду ўчастковых бальніц Бабруйскай гарадской паліклінікі №2.  

Па кожным з пытанняў выпрацаваны дакладныя меры рэагавання, здольныя пасадзейнічаць рэалізацыі пастаўленых мэт у накірунку дэмаграфічнай бяспекі насельніцтва раёна.

Алена КАРПЕНКА.