Раённы дзіцячы конкурс выканаўцаў на народных інструментах — навучэнцаў Бабруйскай раённай дзіцячай школы мастацтваў прайшоў сёння ў актавай зале Цэнтра культуры. Удзел у конкурсе прынялі навучэнцы ўзросту ад 8 да 14 год. Хлопчыкі і дзяўчынкі дэманстравалі сваё творчае майстэрства на такіх народных інструментах як домра, гітара і балалайка.

Падтрымаць юных талентаў прыйшлі педагогі, родныя і сябры. Зала не стамлялася на авацыі і апладысменты, што, бясспрэчна, дадавала ўпэўненасці выканаўцам.

Па выніках конкурсу былі вызначаны пераможцы ў розных узроставых групах. Уладальнікі прызавых месцаў узнагароджаны дыпломамі.

— Усе, хто сёння прыняў удзел у конкурсе, — таленавітыя і працалюбівыя, — адзначыла дырэктар раённай дзіцячай школы мастацтваў Алена Нарніцкая. — Жадаю, каб і ў новым годзе нашы класы поўніліся цудоўнай музыкай, каб у нашай школы было шмат перамог, каб усе былі здаровымі і шчаслівымі.

Алена КАРПЕНКА. Фота аўтара.