Сельгасарганізацыі раёна, якія займаюцца вырошчваннем азімага рапсу, ужо завяршылі ўборку гэтай культуры. Яна займала ў гаспадарках звыш 1830 гектараў. Самая высокая ўраджайнасць рапсу атрымана ў СВК “Гігант”. Тут у сярэднім з кожнага гектара сабрана па 31,5 цэнтнера насення. На другім месцы — філіял “Варатынь” РУП “Бабруйскі завод ТдіА”, дзе гэты паказчык склаў 23,1 цэнтнера. На трэцім месцы па ўраджайнасці — філіял “Харчавік-Агра” ААТ “Чырвоны харчавік”, дзе сабрана ў сярэднім на круг па 17,2 цэнтнера рапсавага зерня.

Апошнімі днямі гаспадаркі прыступілі да масавага жніва збожжавых і зернебабовых культур, якімі занята каля 16,5 тысяч гектараў. Па стану на раніцу ўчарашняга дня, збажына была ўжо абмалочана на плошчы амаль 1,5 тысяч гектараў. Пакуль па ўраджайнасці ідуць уперадзе СВК “Гігант” і “Калгас імя А. Неўскага”, а таксама філіял “Варатынь” РУП “Бабруйскі завод ТдіА”, дзе ў сярэднім на круг сабрана ад 49,1 да 60,4 цэнтнераў зерня.

 Міхаіл ВЕРАСОЎСКІ.