Надвор’е сёння не абыйшлося адным толькі марозчыкам — прыкладна а дзясятай гадзіне раніцы пачалася, як і прагназавалася, снежная завея. Завіруха асабліва адчувалася на аўтадарогах, паміж населенымі пунктамі, дзе ёй было як разгуляцца.

Дарожныя службы раёна адрэагавалі на сітуацыю своечасова. Ад пачатку завеі, як паведаміў намеснік старшыні Бабруйскага райвыканкама Іван Кандрацьеў, спецыялізаваныя машыны ДЭУ-72 і ДРБУ-171 выехалі на пасыпку дарожнага пакрыцця пясчана-саляной сумяссю. Зрэшты, адну з такіх машын мы сустрэлі, вяртаючыся на рэдакцыйным легкавіку перад апоўднем з паездкі ў СВК “Гігант”.  

Як і кожная зіма, сёлетняя будзе суправаджацца снегам. Таму вялікая просьба да жыхароў раёна: работнікаў раённых арганізацый і вяскоўцаў — своечасова ачышчаць ад снегу прыдамавыя тэрыторыі, ствараць якаснае перамяшчэнне па вуліцах, у тым ліку сацыяльным службам. 

Алена КАРПЕНКА.  Фота Віктара ШЭЙКІНА.