Пасяджэнне конкурснай камісіі па фарміраванні рэзерву кадраў на кіруючыя пасады, перспектыўнага кадравага рэзерву Бабруйскага раённага выканаўчага камітэта прайшло сёння. Удзел у яго рабоце прынялі старшыня Бабруйскага райвыканкама Аляксандр Сухадольскі і галоўны спецыяліст аддзела арганізацыйнага забеспячэння, работы з органамі мясцовага кіравання і самакіравання галоўнага ўпраўлення арганізацыйна-кадравай работы Магілёўскага аблвыканкама Ірына Давыдзенка.

— Весці мэтанакіраваную і сістэмную работу, пачынаючы ад этапу фарміравання рэзерву і заканчваючы пытаннямі расстаноўкі падрыхтаваных да ўпраўленчай дзейнасці кадраў — надзвычай важна, — адзначыла Ірына Давыдзенка. — І гэта тым болей актуальна на сучасным этапе: ад людзей, якія ўзначаляць структуры і аддзелы патрабуецца не толькі досвед у той ці іншай кампетэнцыі, але і гатоўнасць да атрымання новых ведаў, і актыўная грамадзянская пазіцыя.

Падчас пасяджэння члены камісіі азнаёміліся з дакументамі, абмеркавалі кандыдатуры для ўключэння ў рэзерв кіруючых кадраў і перспектыўны кадравы рэзерв. Асобы, рэкамендаваныя да ўключэння ў рэзерв кадраў, адказалі на пытанні адносна перспектыў далейшага кар’ернага росту, работы на кіруючай пасадзе.

Тэкст і фота Алены КАРПЕНКА.