Першым пытаннем планёркі ў райвыканкаме, якую ў гэты панядзелак правёў старшыня раённага выканаўчага камітэта Міхаіл Шалкоўскі, стала абмеркаванне спраў у сельскай гаспадарцы. Як паведаміў першы намеснік старшыні, начальнік райсельгасхарчу Валерый Сяргейчык, усе гаспадаркі раёна завяршылі касьбу траў першым укосам, асобныя прыступілі да касьбы другім укосам. Нарыхтоўка сена, сенажу і сіласу працягваецца. Усяго травяністых кармоў на ўмоўную галаву ў сярэднім па раёне нарыхтавана 10 ц.к.адз., а ў шэрагу гаспадарак — 12 і болей ц.к.адз. Працягваюцца ў раёне і работы па хімічнай ахове культур, вядзецца іх падкормка. Адначасова ў гаспадарках рыхтуюць зернеўборачныя камбайны і зернесушыльныя ўстаноўкі да ўборачных работ. У радзе сельгасарганізацый вядзецца мантаж новых зернесушыльных установак, якія ўжо да сярэдзіны ліпеня павінны быць уведзены ў строй. Спыняючыся на пытанні падрыхтоўкі да ўборкі тэхнікі, кіраўнік раёна парэкамендаваў падыйсці да гэтага з асаблівай адказнасцю, дэталёва праверыць кожны зернеўборачны камбайн. Было ўказана і на неабходнасць лепшага догляду пашы, своечасовага яе падсейвання, што, па словах Міхаіла Шалкоўскага, мае месца далёка не ва ўсіх сельгасарганізацыях. 

Алена КАРПЕНКА.