Ён быў прымеркаваны да 100-годдзя паэмы Я. Коласа «Новая зямля». Паэма, у якой глыбока адлюстраваны сацяльныя супярэчнасці беларускай вёскі канца 19 стагоддзя. Твор распавядае пра жыццё вяскоўцаў, пра іх мары аб лепшай будучыні і да апошніх радкоў уяўляе гімн  працы хлебароба на зямлі.

  У ёй кожны радок прасякнуты адной думкай: зямля павінна належаць толькі таму, хто на ёй працуе, і тады яна забяспечыць селяніну поўную волю, незалежнасць, дабрабыт, права на павагу. Карціны жыцця і быту сялян дапаўняюцца выключнымі па сваёй маляўнічасці апісаннямі беларускай прыроды.

   “Новая зямля” — эпахальная з’ява не толькі ў гісторыі нацыянальнага ліра-эпасу, але і ў гісторыі духоўнай культуры беларускага народа. Якуб Колас марыў, каб яго твор знайшоў свайго чытача не толькі ў роднай Беларусі. У 1948 годзе ў лісце да галоўнага рэдактара выдавецтва «Советский писатель» Пятра Чагіна ён пісаў: “Лічу, што славянскімі народамі будзе з цікавасцю прачытана гэта паэма. Яна — асноўная паэма ва ўсёй маёй паэтычнай творчасці”.

Як расказала дырэктар ДУК “ЦБС Бабруйскага раёна” Жана Канькова, з нагоды 100-гадовага юбілею паэмы “Новая зямля” з 17 па 21 ліпеня ў цэнтральнай бібліятэцы прайшоў Тыдзень чытання “У любові да роднай зямлі”. На працягу гэтага часу тут працавала выстава аднаго твора “Новая зямля” — гімн чалавеку працы”, каля якой наведвальнікам прапанавалася літаратурнае знаёмства па гісторыі стварэння паэмы, праслухоўванне аўдыёзапісу мастацкага чытання паэмы А. Уладамірскім. Хлопцы і дзяўчаты запрашаліся ў паэтычную вандроўку “Маляўнічыя замалёўкі прыроды ў паэме Я. Коласа “Новая зямля”, прымалі ўдзел у кулінарным падарожжы “Чытанне смачных старонак паэмы “Новая зямля”, віктарыне “Моўныя залацінкі” і конкурсе чытальнікаў “Любімыя радкі”.

100 гадоў таму Якуб Колас завяршыў працу над сваёй галоўнай эпічнай  паэмай “Новая зямля”. Зараз, у Год міру і стварэння, як ніколі актуальна звярнуцца да твора класікі, у кожным радку якога з гонарам гучыць — “Мы, беларусы!”.

Ул. інф.