На парадку дня — жніво і корманарыхтоўка
Азімы ячмень, з якога стартавала ўборачная кампанія, у раёне цалкам убраны. З клінка ў 1730 гектараў намалочана 3488 тон зерня (па стану на 18 ліпеня).
Найвышэйшая ўраджайнасць гэтага віду збажыны дасягнута ў філіяле “Варатынь” ААТ “Бабруйскі завод ТДіА” — 34 ц/га. Другі па велічыні паказчык у ААТ “Міхалёўская Ніва” — 30 ц/га, трэці — у ААТ “Саўгас Кісялевічы” (23 ц/га).
У радзе сельгасарганізацый: СВК “Гігант”, ААТ “Міхалёўская Ніва” і філіяле “Варатынь”, прыступілі да ўборкі азімага рапсу. На раніцу ўчарашняга дня, як паведаміў начальнік вытворчага аддзела райсельгасхарчу Віктар Садоўскі, з 717 гектараў, што адведзены пад рапс, убрана 44 га пры сярэдняй ураджайнасці 15 ц/га. Найвышэйшы паказчык на гэтую пару ў СВК “Гігант” — 29 ц/га.
Адначасова са жнівом у сельгасарганізацыях працягваюць нарыхтоўваць травяны корм жывёле. Сена ў цэлым маецца 3184 тон або 38% ад плану, сенажу — 61 030 тон ці 68% ад патрэбы. Такім чынам усяго кармавых адзінак нарыхтавана 18 813 тон або 9,8 ц к. адз. на ўмоўную галаву жывёлы.
Алена КАРПЕНКА. Фота Юрыя ЮРКЕВІЧА.