Як спрацавалі па выніках трох месяцаў, якія задачы вырашылі, хто з работнікаў пасадзейнічаў гэтаму найбольш, дзе шукаць патэнцыял для нарошчвання аб’ёмаў вытворчасці, павелічэння эфектыўнасці працы? Гэтыя і іншыя пытанні галіны традыцыйна абмеркавалі з работнікамі падчас Дня жывёлавода — мерапрыемства з удзелам кіраўніцтва сельгасарганізацый ладзіцца на фермах і комплексах штомесяца.

У СВК “Гігант”, да прыкладу, Дзень жывёлавода прайшоў 12 красавіка. Разам з падвядзеннем вынікаў работы за дэкаду і сакавік на рабочай нарадзе былі выпрацаваны меры па павелічэнні вытворчасці працы, вызначаны перадавікі вытворчасці ў папярэднім месяцы.

На таварнай ферме №1 найлепшых працоўных вынікаў дасягнула жывёлавод Наталля Валянцінаўна Фёдарава, якая атрымала валавыя прывагі на вырошчванні буйной рагатай жывёлы ў памеры 3664 кг, сярэднесутачныя — 834 г пры 100-працэнтнай захаванасці маладняку. Перадавіком на МТК прызнана слесар па рамонце сельгасабсталявання Таццяна Віктараўна Неруш, нагода для гэтага — добрасумленнае стаўленне да працы. Найлепшых вынікаў на малочна-таварнай ферме №2 дасягнула, дзякуючы добрасумленным адносінам да працоўных абавязкаў, жывёлавод Людміла Васільеўна Шумская. Перадавік на ТФ №3 — жывёлавод Людміла Барысаўна Яндзіева, чые валавыя прывагі на вырошчванні буйной рагатай жывёлы склалі 5536 кг, сярэднесутачныя — 830 грам, дасягнута 100-працэнтная захаванасць жывёлы.  

Алена КАРПЕНКА. Фота з архіва сельгасарганізацый.