Начальнік Бабруйскага РАУС Сяргей Ільін далажыў на планёрцы аб стане злачыннасці на тэрыторыі раёна і мерах, якія на мінулым тыдні прадпрымаліся работнікамі міліцыі, каб папярэдзіць павапарушэнні і злачынствы. Па-ранейшаму адным з галоўных накірункаў дзейнасці супрацоўнікаў РАУС з’яўляецца барацьба з незаконным прыгатаваннем і рэалізацыяй спіртаўтрымліваючых рэчываў. На мінулым тыдні ў жыхароў раёна такога “арсеналу” было ліквідавана 117 літраў. Аб тым, што далёка не ўсе ўдзельнікі дарожнага руху паводзяць сябе згодна вызначаных правілаў, гаворыць той факт, што ДАІ за тыдзень зарэгістравана 200 парушэнняў ПДР, 3 вадзіцелі кіравалі аўто ў нецвярозым стане.

Між тым на планёрцы былі выказаны заўвагі і ў адрас міліцыі. Па словах Міхаіла Шалкоўскага, участковыя інспектары павінны неадрыўна знаходзіцца на падведамаснай тэрыторыі, што не заўжды мае месца, а па магчымасці і прымаць удзел у рабочых нарадах кіраўнікоў сельгасарганізацый, з тым, каб сумеснымі намаганнямі дасягаць больш якасных вынікаў у забеспячэнні парадку на тэрыторыі сельсавета.

 Алена КАРПЕНКА.