Па дадзеных райсельгасхарчу, за студзень вытвор­часць малака ў сельскагаспадарчых арганізацыях раёна склала 3 425,7 тоны або 102,1% да ўзроўню папярэдняга года. Узровень мінулага года па вытворчасці малака дасягнуты ў ААТ «Саўгас Кісялевічы» (105,7%), ААТ «Міхалёўская Ніва» (122,8%), філіяле «Харчавік-Агра» ААТ «Чырвоны харчавік-АграСэрвіс» (106,9%) і ААТ «Агракамбінат Бабруйскі» (120,3%).

Рэалізацыя малака ў сельгасарганізацыях за першы месяц склала 3 075,1 тоны ці 101,1% да ўзроўню мінулага года.
Сярэдні ўдой малака ад каровы, па стане на 1 лютага, склаў 405 кілаграмаў, што вышэй узроўню студзеня 2022 года на 26 кг. Калі аналізаваць у разрэзе гаспадарак, то найбольшая прадуктыўнасць дойнага статка, як і ў мінулыя гады, дасягнута ў філіяле «Варатынь» ААТ «Бабруйскі завод ТДіА» — 633 кг, другую пазіцыю ўпэўнена ўтрымлівае філіял «Харчавік-Агра» ААТ «Чырвоны харчавік-АграСэрвіс» з паказчыкам 553 кг.
Вышэй за 90% таварнасць малака адзначана ў філіяле «Харчавік-Агра» ААТ «Чырвоны харчавік-АграСэрвіс» (93,4%), філіяле «Варатынь» ААТ «Бабруйскі завод ТДіА» (91,6%) і ў ААТ «Міхалёўская Ніва» (90,6%).
Вырошчванне буйной рагатай жывёлы за першы месяц 2023 года склала 320,9 тоны або 121,7% да адпаведнага ўзроўню мінулага года.
Прыплоду цялят за студзень атрымана 832 галавы. Усяго ж па стане на 1 лютага ў сельскагаспадарчых арганізацыях налічваецца 25 550 галоў (102,8% да студзеня 2022 г.) буйной рагатай жывёлы, у тым ліку 8 455 кароў.

Алена КАРПЕНКА. Фота носіць ілюстрацыйны характар.